fbpx
Fimmtudagur 09.júlí 2020

Hildur gerir tónlistina við Sicario 2

Hildur Guðnadóttir lék á selló í fyrri myndinni en semur nú tónlistina

Kristján Guðjónsson
Miðvikudaginn 8. febrúar 2017 10:30

Ekki missa af Helstu tíðindum dagsins í pósthólfið þitt

Lesa nánar

Hildur Guðnadóttir mun gera tónlistina við Hollywood-myndina Soldado, sem er framhaldsmynd spennumyndarinnar Sicario frá árinu 2015. Hildur tók þátt í gerð tónlistarinnar í fyrri myndinni sem sellóleikari, en það var Jóhann Jóhannsson sem þá samdi tónlistina og hlaut hann BAFTA- og Óskarsverðlaunatilnefningu fyrir. „Þetta er allt í startholunum og spennan bókstaflega rétt að byrja,“ segir Hildur í samtali við blaðamann DV.

Sicario, sem kandamaðurinn Denis Villeneuve leikstýrði, fjallaði um átök lögreglu og glæpahrings á landamærum Mexíkó og Bandaríkjanna. Myndin þótti sérstaklega bölsýn og þótti draga upp afar myrka mynd af siðleysi fíkniefnastríðsins á milli bandarísku leyniþjónustunnar og alræmdra glæpagengja í Mexíkó, en orðið Sicario er heiti yfir leigumorðingja mexíkósku fíknefnahringjanna.

Það er Ítalinn Stefano Sollima mun leikstýra framhaldsmyndinni en handritsgerð verður í höndum Taylor Sheridan sem einnig skrifaði fyrri myndina. Hann hefur sagt að nýja myndin muni meðal annars fjalla um hervæðingu lögreglunnar í stríðinu gegn glæpagengjunum. Með aðalhlutverk fara Josh Brolin, Benicio Del Toro og Matthew Modine.

Hildur er sellóleikari, söngkona og tónskáld sem hefur gefið út fjölda platna, bæði ein og með hljómsveitinni Múm. Hún hefur samið tónlist fyrir leikhús, danssýningar og kvikmyndir, meðal annars fyrir Eiðinn, Ófærð, Tom of Finland og spilað á selló í tónlistinni fyrir The Revenant, Arrival, Prisoners og fyrstu Sicario-myndina.

„Jóhann var upphaflega beðinn um að semja tónlistina fyrir þessa mynd líka, en er mjög bundinn í öðrum verkefnum svo hann gat ekki tekið það að sér,“ segir Hildur um tildrög verkefnisins.

„Við Jóhann höfum verið bundin mjög sterkum tónlistarböndum síðastliðin 15 árin eða svo, og höfum komið með einhverjum hætti að langflestum verkefnum hvors annars alla þá tíð. Við höfum þess vegna mjög svipaða hugmynd um tónlist og hlutverk hennar, enda höfum búið og vaxið saman innan hennar svo lengi. Tónlistin fyrir Soldado verður samt ekki byggð sérstaklega á tónlistinni sem Jóhann samdi. Þetta er hugsað sem sjálfstætt framhald.“

Fréttin var uppfærð kl. 11.00.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Katrín svarar Kára

Ekki missa af

Fréttir
Fyrir 2 klukkutímum

Segir Háskólann á Akureyri hafa svívirt minningu ömmu sinnar og afa

Segir Háskólann á Akureyri hafa svívirt minningu ömmu sinnar og afa
Fréttir
Fyrir 2 klukkutímum

Veðurvaktin: 20 stiga hiti á Suðurlandi í dag og á morgun

Veðurvaktin: 20 stiga hiti á Suðurlandi í dag og á morgun
Pressan
Fyrir 3 klukkutímum

Kom í heiminn með getnaðarvarnarlykkju móðurinnar í höndinni

Kom í heiminn með getnaðarvarnarlykkju móðurinnar í höndinni
Pressan
Fyrir 3 klukkutímum

Þriðjungur Breta vill hugsanlega ekki fá bólusetningu gegn kórónuveirunni

Þriðjungur Breta vill hugsanlega ekki fá bólusetningu gegn kórónuveirunni
Fréttir
Fyrir 13 klukkutímum

Lúsmýið líklega verst í Hveragerði: Hrikaleg bitsár

Lúsmýið líklega verst í Hveragerði: Hrikaleg bitsár
433
Fyrir 13 klukkutímum

Einkunnir úr leik Brighton og Liverpool: Salah bestur

Einkunnir úr leik Brighton og Liverpool: Salah bestur
433Sport
Fyrir 13 klukkutímum

HK náði stigi gegn ÍA – Grótta vann öruggan sigur

HK náði stigi gegn ÍA – Grótta vann öruggan sigur
Fréttir
Fyrir 14 klukkutímum

Fyrrverandi starfsmenn Messans rita opin bréf til eigenda og Eflingar – „Við vorum rænd laununum“

Fyrrverandi starfsmenn Messans rita opin bréf til eigenda og Eflingar – „Við vorum rænd laununum“