Nú standa yfir kosningar til formanns Neytendasamtakanna og einn af sigurstranglegri frambjóðendum er Guðjón Sigurbjartsson, viðskiptafræðingur og framkvæmdastjóri Samtaka um betri spítala. Guðjón hefur beitt sér fyrir því að afnema tolla af matvælum og að landbúnaðarkerfinu verði umbylt.

Guðjón er faðir Dóru Bjartar, borgarfulltrúa Pírata. Dóra vann mikinn kosningasigur í sveitarstjórnarkosningunum í vor og náðu Píratar tveimur mönnum inn. Hún hefur hins vegar staðið í ströngu að undanförnu, bæði vegna braggamálsins og þá hefur verið gert gys að henni fyrir leikþátt í pontu borgarstjórnar.

Guðjón er einnig faðir Sigrúnar Lilju, eiganda fatamerkisins Gyðju Collection.