Fyrsti sigurvegarinn Hattie McDaniel var fyrst blökkumanna til að hljóta Óskarsverðlaun og reyndar einnig fyrsti svarti gesturinn á Óskarsverðlaunahátíð. Verðlaunin hlaut hún árið 1940 fyrir bestan leik kvenna í aukahlutverki. Hún sýndi frábæran leik í hlutverki Mammy, fóstru Scarlett O'Hara í Á hverfanda hveli, en þar fór Vivien Leigh með aðalhlutverkið. Samleikur þeirra tveggja var eftirminnilegur.Við Óskarsverðlaunaathöfnina var McDaniel og vini hennar úthlutað sæti aftast í salnum nálægt eldhúsinu. „Hallelújah,“ sagði leikkonan þegar tilkynnt var um úrslitin. Gestir risu úr sætum til að fagna henni. Leikkonan grét af gleði meðan hún flutti þakkarræðu sína.McDaniel lék í fjölda kvikmynda á ferlinum, var venjulega í hlutverki þjónustustúlku, og stal yfirleitt senunni. Hún lést árið 1952, 57 ára gömul, af völdum brjóstakrabbameins og var sárt syrgð af fjömennum hópi aðdáenda. Hún er sannarlega ekki gleymd og árið 2010 minntist blökkukonan Mo'Nique McDaniel í Óskarsverðlaunaræðu sinni þegar hún fékk Óskarinn fyrir bestan leik kvenna í aukahlutverki fyrir myndina Precious.

Enginn töfrasproti Myndin sýnir Sidney Poiter í Óskarsverðlaunahlutverki sínu í Lilies of the Field en árið 1964 var hann fyrsti svarti karlmaðurinn til að hljóta Óskarsverðlaun fyrir leik. „Ég held ekki að Óskarinn minn sé töfrasproti sem sópi burt þeim hindrunum sem standa í vegi svartra leikara,“ sagði hann.Poiter fékk heiðursverðlaun á Óskarsverðlaunahátíðinni árið 2002.

Leitið að góðum hlutverkum Louis Gossett jr. var fyrsti svarti karlleikarinn til að fá Óskarsverðlaun fyrir leik í aukahlutverki árið 1983 en hann þótti fara á kostum í An Officer and a Gentleman. Myndin hér að ofan sýnir hann í hlutverkinu. Hann var sautján ára þegar hann hóf leikferil sinn. Hann ráðlagði svörtum leikurum að leita ekki einungis eftir hlutverkum fyrir svarta heldur leita að góðum hlutverkum.