Íslenska fyrirsætan Rakel Ósk óskar eftir aðstoð almennings til að freista þess að verða valin „síða 9“ stelpan í októbermánuði. Hún hefur áður tekið þátt í þessari keppni og var valin ungfrú október 2015 og ungfrú nóvember 2014.

Hún hefur ákveðið að taka þátt aftur í ár. Rakel bjó í um áratug í Kaupmannahöfn. Hún segir ekkert að því að vera léttklædd á myndum. Í viðtali við DV á síðasta ári koma fram að hún væri fyrsti Íslendingurinn sem tekur þátt í keppninni sem er árleg hjá þessu vinsæla blaði í Danmörku. Við það tilefni sagði Rakel:

„Ég tók þátt í keppninni út af því að það var ljósmyndari sem hafði samband við mig og bauð mér í töku. Á þeim tíma fannst mér þetta frekar klisjukennt og var ekki spennt fyrir þessu. En svo seinna meir eftir að ég fór að hugsa meira og meira um þetta þá fannst mér þetta bara mjög sniðugt.“

Þá sagði hún einnig:

„Mér finnst ekkert að því að vera léttklædd á myndum. Ætli ég hafi ekki áður fyrr verið mótuð af samfélaginu sem segir að þetta sé vanvirðing gegn konum. Ég sé þetta núna sem mjög uppbyggjandi, þetta hefur allavega styrkt mína sjálfsímynd. Konur eru fallega byggðar og Side9 er að hrósa konum og hversu ólíkar en samt fallegar allar þær eru. Það eru ekki bara „babes“ með silíkon og flatan maga sem taka þátt. Heldur eru allur gangur á hvernig stelpurnar líta út.“

Flottustu brjóstin á Íslandi

Á vef Extra blaðsins er að finna viðtal við Rakel þar sem hún segist vera með flottustu brjóst á Íslandi sem séu jafnframt náttúruleg og laus við allt silíkon.

„Vinkonur mínar hrósa mér oft fyrir brjóstin mín. þau eru víst rosa vel mótuð. Ætli ég ekki með bestu brjóstin á íslandi?“ spyr Rakel Ósk og hlær. Þá segir Rakel að fólk hrósi henni fyrir gott viðmót og fallegan persónuleika. „Fyrir mér er mikilvægt að koma fram við aðra eins og þú vilt að þeir komi fram við þig. Ég held að persónuleiki minn geri mig enn meira heillandi. Svo eru margir sem segja að ég hafi flottan rass.“

Rakel hefur nú ákveðið að taka þátt í keppninni í síðasta sinn. Hún deilir mynd af sér fáklæddri inn í grúppuna Íslendingar í Danmörku. Þar biður hún meðlimi um að kjósa sig.

„Mér þætti þó vænt um að þið gæfuð mér stig, ef þið viljið,“ segir Rakel og bætir við: „Skítkast afþakkað.“

Hér er hægt að gefa Rakeli Ósk atkvæði í keppninni um ungfrú nóvember