„Píratar byrjuðu í fituprósentunni hans Rikka G., 35%. Tálguðu sig svo niður í skólaost, 26%. Sýnist að þeir endi í Ívari Guðmunds!“ skrifar Egill Einarsson á Twitter-síðu sína og beinir þar spjótum sínum að bæði Pírötum og Ríkharði Óskari Ríkharðssyni, Rikka G., dagskrárstjóra FM 957. Egill skýtur reglulega á holdafar Rikka, sem bregst ókvæða við dylgjum Egils um ástand hans að þessu sinni.

„Titlar þú þig ekki sem einkaþjálfara? Heldurðu að ég sé 35% fita?? Segðu upp sauðnautið þitt!“ segir Rikki í ansi kostulegum samskiptum. Ívar Guðmunds leggur síðan orð í belg og upplýsir að fituprósenta hans sé 10% og það væru góðar fréttir ef fylgi Pírata færi sömu leið.