Wayne Rooney hefur rifjað upp skemmtilega og óvænta sögu af fundi sínum við argentínska goðsögnina Diego Maradona, eftir leik Manchester United gegn Real Madrid árið 2013.

Rooney sagði frá þessu í hlaðvarpinu sínu og nefndi Santiago Bernabeu sem sinn uppáhaldsleikvang. Hann rifjaði upp 1-1 jafntefli liðanna í 16-liða úrslitum Meistaradeildarinnar þar sem Danny Welbeck skoraði eftir fyrirgjöf frá honum.

Þrátt fyrir góða frammistöðu var Rooney ósáttur þegar Sir Alex Ferguson tilkynnti honum að hann yrði á bekknum í síðari leiknum á Old Trafford. „Ég var brjálaður,“ sagði Rooney og benti á að hann hefði lagt mikið á sig fyrir liðið í fyrri leiknum. United tapaði síðan 2-1 og féll úr keppni.

Eftir leikinn fór Rooney á vinsælan veitingastað, Wing’s, þar sem hann hitti Maradona. Sá argentínski var í jakkafötum og með bindi, en Rooney mætti í æfingagalla.

„Hann tók af sér bindið og setti það á mig,“ sagði Rooney og hló að atvikinu. Fundurinn kom honum á óvart, en Maradona var reglulegur gestur í Manchester á þessum tíma.