Aimee Osbourne er elsta barn stjörnuhjónanna Sharon og Ozzy Osbourne. Hún hefur, ólíkt hinum meðlimum fjölskyldunnar, haldið sig að mestu frá sviðsljósinu og er sjaldan myndum á almannafæri.
Aimee, 41 árs, var mynduð yfirgefa hótel í Manchester á dögunum ásamt Wes Leavins, söngvara hljómsveitarinnar Brigette Calls Me Baby.
Page Six birti myndirnar.
Sharon and Ozzy Osbourne’s rarely seen daughter, Aimee, spotted on public outing in the UK https://t.co/vcvBYLgSwf pic.twitter.com/IGZ92SJcKA
— Page Six (@PageSix) June 9, 2025
Það vakti talsverða athygli þegar Aimee flutti að heiman, aðeins 16 ára gömul, en ástæðan var ákvörðun foreldra hennar að byrja með raunveruleikaþættina „The Osbournes“ sem fóru í loftið á MTV árið 2002. Aimee hafði engan áhuga að taka þátt og hleypa almenningi inn í líf sitt, svo hún flutti út.
Hún hefur seinna rætt nánar um ástæður þess að hún kaus að vera ekki hluti af raunveruleikaþætti fjölskyldunnar, en hún hafði alla tíð viljað verða söngkona og vildi ekki að ímynd hennar myndi stjórnast af þáttunum. Hún vildi þróa hana sjálf, sem hún gerði og í dag er hún söngkona í hljómsveitinni ARO.
