Það hefur lengi verið hávær orðrómur um að kalt sé á milli Victoriu og Nicolu, sem er gift elsta Beckham syninum, Brooklyn. Erlendir miðlar hafa greint frá því að þær „þola ekki aðra og talast ekki við.“
Sjá einnig: Birti nektarmynd eftir að rifrildi við tengdamömmuna virðist hafa blossað upp á ný
Þetta byrjaði árið 2022, en svo virtust þær hafa náð sáttum um tíma. En síðan fóru glöggir netverjar að taka eftir því að Nicola og Brooklyn voru hætt að mæta á fjölskylduviðburði. En nýjasta útspil Nicolu á Instagram virðist ýta enn frekar undir orðróminn um að það sé rígur á milli þeirra.
Nicola birti mynd af móður sinni á sunnudaginn. „Til hamingju með mæðradaginn drottningin mín. Þú ert heimurinn minn og ég á erfitt með að trúa hversu heppin ég er að vera dóttir þín.“
Leikkonan birti einnig mynd af ömmu sinni heitinni og sagðist sakna hennar sárt. En aðdáendur tóku eftir því að hún birti enga mynd af tengdamóður sinni, Victoriu Beckham.
Samkvæmt Page Six er Nicola ósátt við Victoriu fyrir hvernig hún og David koma fram við Brooklyn. Heimildarmaður TMZ sagði fyrrverandi fótboltakappann öskra á soninn í símann.
„Hún svarar alltaf fyrir sig og Brooklyn,“ sagði heimildarmaðurinn.
Sjá einnig: Rígur á milli Beckham bræðra – Talast ekki við
