Kokkur fyrir Matarkompaní heldur áfram að slá í gegn á TikTok og svarar nú spurningu sem margir hafa eflaust velt fyrir sér þegar þeir eru að fara að elda sveppi: Á ég að skola þá eða ekki?

Sjá einnig: Ekki gera þetta áður en þú eldar kjúkling:„Bjóða hættunni heim“

„Það er ekki langt síðan að ég var heima og ég horfði á fjölskyldumeðlim taka sveppi og bara [skola þá] í vaskinum. Þú mátt gera það sem þú vilt, en þarf þess? Nei. Sveppir eru eins og svampur og þeir drekka í sig vökva. Og þú vilt komast hjá því, að fá raka í sveppina af því að það sem þú ert oftast að gera í eldun er að elda rakan úr sveppunum, til hvers að bæta í?“ segir hann.

En hvað ef sveppirnir eru mjög skítugir?

Þá er gott að nota bursta á meðan sveppirnir eru þurrir. Eða þrífa með rökum klút og leyfa þeim að þorna alveg fyrir eldun, en ekki inni í ísskáp. „Alls ekki hafa þá of blauta inni í kæli,“ segir hann.

Kokkurinn fer betur yfir þetta í myndbandinu hér að neðan.

@matarkompani Spurt og svarað: á að skila sveppi fyrir eldun? 🍄‍🟫 #spurtogsvarað #matarkompani #sveppir ♬ make it simple – MrE4zyChill