Einar Þorsteinsson, borgarfulltrúi Framsóknarflokksins, og Milla Ósk Magnúsdóttir, rekstrarstjóri, eignuðust son á mánudagskvöld. Frá þessu greinir Einar í færslu á samfélagsmiðlum.
„Í dag fögnum við Milla 5 ára brúðkaupsafmæli og kynnum til sögunnar nýjasta fjölskyldumeðliminn sem kom í heiminn rétt fyrir miðnætti á mánudagskvöld!,“ segir hann. „Drengurinn er undurfagur eins og mamma sín og báðum heilsast vel. Systurnar og stóri bróðir eru afar skotin í honum og keppast um að fá að knúsa hann. Ég svo innilega þakklátur fyrir lífið og fyrir að eiga þessa fallegu og heilbrigðu fjölskyldu.“
Í tilefni af brúðkaupsafmælinu ætla hjónin vestur í Hörðudal til að gróðursetja tré.
„Allt gerir Milla að gulli og ég hef aldrei elskað hana jafnmikið,“ segir hann.
