Hera, sem er gestur vikunnar í Fókus, ræðir um þetta tímabil. Hvernig það hafi verið að verða aftur einhleyp eftir öll þessi ár, skrýtna en skemmtilega frelsistilfinningin að finna sig upp á nýtt og hvernig það hafi verið að stíga aftur inn í ringulreiðina sem stefnumótaheimurinn getur verið.
Hún ræðir þetta í spilaranum hér að neðan. Brotið er hluti af nýjasta þætti af Fókus og má horfa á í heild sinni hér eða hlusta á Spotify.
Hera og barnsfaðir hennar kynntust þegar hún var nítján ára gömul og eignuðust tvö börn. Aðspurð hvernig hafi veri að koma úr svona löngu sambandi og læra að vera ein segir hún:
„Það var mjög næs, ég viðurkenni. Þetta var skrýtið fyrst. Allt svona er auðvitað skrýtið. Þegar það gefst tími fyrir mann sjálfan eftir að hafa haft engan tíma fyrir sig sjálfan. Ég setti mig aldrei í fyrsta sæti á þessum tíma, sem er mjög algengt hjá mömmum, sérstaklega þegar börnin eru svona lítil. […] Ég finn það alveg í dag að um leið og ég set mig í fyrsta sæti og líður vel þá líður börnunum mínum vel.“
Hera, sem verður 33 ára á þessu ári, ræðir um hvað hjálpaði henni á þessum tíma, eins og líkamsrækt eiga stefnumót með sjálfri sér, í spilaranum hér að ofan.
Hera segir að það hafi verið áhugaverð upplifun að byrja að deita aftur en stefnumótaheimurinn hafði breyst mikið frá því að hún var síðast einhleyp, eins og tilkoma stefnumótaforrita eins og Tinder og Smitten.
„Það var ógeðslega skrýtið,“ segir hún hlæjandi.
Hún ákvað samt að prófa að skrá sig og gekk það aldeilis vel en hún kynntist kærastanum sínum á Smitten og fögnuðu þau nýverið sex mánaða sambandsafmæli.
Hún ræðir þetta allt nánar í spilaranum hér að ofan. Brotið er hluti af nýjasta þætti af Fókus sem má horfa á í heild sinni hér eða hlusta á Spotify og öllum helstu hlaðvarpsveitum.
Fylgdu Heru á Instagram og hlustaðu á hlaðvarp hennar, Á hærra plani, á Spotify.
