Helgi, sem er gestur vikunnar í Fókus, spjallþætti DV, ræðir um þetta tímabil, lífsstílsbreytinguna og hvernig hann fór að þessu öllu saman í spilaranum hér að neðan. Brotið er hluti af nýjasta þætti af Fókus sem má horfa á í heild sinni hér, eða Spotify.
Helgi heldur úti vinsæla hlaðvarpinu Hæhæ – Ævintýri Helga og Hjálmars en auk þess er hann lífsstílsþjálfi og býður upp á námskeið þar sem hann hjálpar fólki að feta sömu braut og hann gerði þegar hann raunverulega breyttist og tók líf sitt í gegn.
„Það vantaði ekkert upp á markmið og metnað í mínu lífi. En maður er alltaf með sjálfan sig og svo hugmyndirnar,“ segir hann.
„Ég var ótrúlega góður að selja mér: „Eftir mánuð, tvo mánuði, mun ég líta svona út.“ Svo skipti engu máli hvernig ég gerði það, hvort ég myndi svelta mig eða ofreyna mig í ræktinni. Það er hvernig vítahringurinn virkar.“
Helga tókst að koma sér út úr þessum vítahring. „Ég byrjaði að taka þessi allt of smáu skref,“ segir hann. „Það er það sem er svo auðmýkjandi við þetta ferðalag. Ég byrjaði á því að ákveða að ég ætla aldrei í megrun aftur. Það var það fyrsta sem ég gerði,“ segir Helgi.
„Þá vissi ég að ég gæti ekki hámað í mig en ég gæti heldur ekki borðað það lítið að ég væri í einhverju svelti. Þetta þurfti bara að vera raunhæft.“
Helgi útskýrir síðan myndlíkinguna með fílinn og knapann sem allir ættu að heyra. Horfðu á myndbandið í spilaranum hér að ofan. Þú getur einnig hlustað á þáttinn á Spotify, en umræðan um fílinn og knapann hefst á mínútu 10:50.
Helgi er á leiðinni til Balí og verður þar í mánuð. Hann mun vera virkur á Instagram og leyfa áhugasömum að fylgjast með ferðalaginu.
