Áhrifavaldurinn og raunveruleikastjarnan Sunneva Einarsdóttir sagði skilið við bílaleigubíl sem hún hefur verið að leigja í nokkra mánuði. Það var erfitt að kveðja en ekki bílinn, heldur bílnúmerið.
„Ég trúi ekki að það sé komið að þessu. Þetta er alveg erfitt,“ segir Sunneva í myndbandi á TikTok.
@sunnevaeinarsSorgardagur 💔
„Þegar ég fékk hann fyrst sá ég bílnúmerið og hugsaði, týpískt að þessi þarna sé minn. Það er eitthvað týpískt við það, þetta er minn bíll. Ég veit það. Ég hef verið stoppuð af ókunnugum og við höfum hlegið saman. Þetta er búið að vera svo gaman en samt mjög vandræðalegt, góðir tímar. Þetta bílnúmer er svo iconic. Ég veit ekki hvort ég hata það eða elska það, það dregur athygli, en þetta er svo iconic,“ segir hún.
„Ég trúi ekki að einhver annar sé að fara að keyra um göturnar með þetta bílnúmer, þetta er svo gott bílnúmer,“ segir Sunneva og fer út úr bílnum til að sýna það.
Sunneva setti inn myndbandið fyrr í dag en það hefur þegar fengið yfir 17 þúsundir áhorfa og yfir þúsund manns hafa líkað við það.
