Helgi ólst upp á Seyðisfirði og segir litla bæinn alltaf eiga sérstakan stað í hjarta hans.
Í þættinum ræðir Viktoría við faðir Helga, Ómar Bogason, sem rifjar upp þegar hann hjálpaði syni sínum að koma út úr skápnum.
„Ég á ekkert nema góðar minningar af börnunum mínum. Ég er sjálfur í sjö systkinahóp þar sem við vorum að sparka í bolta á ganginum heima og brjóta eitthvað,“ segir hann kíminn.
„Helgi hefur alltaf verið dásamlegur drengur. Það er ekkert öðruvísi. Ég verð að viðurkenna það að við komum saman út úr skápnum til dæmis. Við vissum þetta kannski ekki þannig, okkur fannst þetta ekkert mál. En ég gerði mér grein fyrir því að svona ungur drengur, að hann þyrfti aðstoð. Ég sagði við hann að við myndum elska hann eins og hann væri og hann ætti bara að vera hann sjálfur,“ segir Ómar og bætir við að við þetta hafi Helgi breyst úr lifru í fiðrildi.
„Ég fann greinilegan mun. Mér fannst hann allt í einu verða frjáls. Við verðum öll að gera okkur grein fyrir því að ást er ást og hún á að fá að vera það, fólk á að fá að vera það sem það er, svo framarlega sem það er gott.“
@ruvohf Viktoría hitti feðgana Helga Ómarsson og Ómar Bogason á Æskuslóðum á Seyðisfirði í kvöld. Þau ræddu meðal annars um þegar Helgi kom út úr skápnum en faðir hans studdi hann með ráðum og dáð 🏳️🌈 #æskuslóðir #íslenskt@helgiomars ♬ original sound – RÚV
Horfðu á þáttinn með Helga á vef RÚV.
