Hermann Ingi Hermannsson, tónlistarmaður og myndlistarmaður, sem m.a. gerði garðinn frægan með hljómsveitinni Logum í Vestmannaeyjum, liggur nú þungt haldinn á sjúkrahúsi í Elche á Spáni, eftir að hafa fengið heilablóðfall í janúar.
Viku eftir heilablóðfallið fór Hermann í hjartastopp og var færður á bráðadeild. Hann var síðan á gjörgæsludeild þar sem hann dvaldist í tvær vikur. Hermann er nú úr lífshættu og liggur á taugadeild sjúkrahússins. Mun hann úrskrifast innan skamms og við tekur endurhæfing heima á Íslandi, á Grensásdeildinni.
Fjölskyldu Hermanns Inga er hins vegar mikill vandi á höndum þar sem Sjúkratryggingar Íslands greiða ekki fyrir sjúkraflug til landsins. Kostnaður við það hleypur á bilinu 6 til 8 milljónir.
Fjölskyldan hefur því stofnað söfnunarreikning til að standa straum af þessum þunga kostnaði, svo bataferli Hermanns geti haldið ótruflað áfram.
Fjölmiðlakonan Sigga Lund greinir frá þessu á Facebook-síðu sinni. Nánar mál lesa um málið með því að smella á tengilinn hér að neðan en reikningsupplýsingar söfnunarinnar eru:
