Fyrirsæturnar sem ganga fyrir Black Tape Project eru, eins og nafnið gefur til kynna, með teip fyrir sínu allra heilagasta og svo er teipið klippt og skorið í alls konar mynstur um líkama þeirra.
Verkefnið er djarft og vekur alltaf athygli.
Fyrirsætan Savannah Suarez var ein þeirra sem gekk fyrir Black Tape Project og þakkar föður sínum fyrir að hafa hvatt sig áfram.
Hún segir í samtali við The Sun að það hafi verið pabbi hennar sem stakk upp á því að hún myndi ganga í umræddri sýningu.
„Pabbi hafði lesið eina af fréttunum um Black Tape Project í sundfatavikunni í Miami fyrir nokkrum árum. Hann sendi mér greinina og sagði: „Ef þú myndir fá þetta tækifæri, myndir þú grípa það?“
Savannah segir að fyrst hafi hún verið efins, þar sem klæðnaðurinn – ef svo má kalla – er einstaklega djarfur.
En hún segir að foreldrar hennar hafi hjálpað henni að skipta um skoðun.
„Ég pældi aðeins í þessu og talaði við foreldra mína, sem styðja mig í einu og öllu, og fattaði: Ég er að sýna jafn mikið hold og ég myndi gera ef ég væri í bikiníi. Eini munurinn er að þetta er teip.“
Það eru ekki bara foreldrar hennar sem eru stuðningsríkir heldur einnig amma hennar og afi.
Pabbi hennar kom að horfa á fyrstu sýninguna og mamma hennar þá næstu.
„Ég veit að þetta er ekki algengt. Alltaf þegar ég segi einhverjum að pabbi kom á sýninguna er fólk mjög hissa. En ég myndi ekki vilja hafa þetta öðruvísi. Ég er mjög þakklát.“
