Bandaríska matargyðjan og sjónvarpsstjarnan Martha Stewart greinir frá því að hún hélt framhjá fyrrverandi eiginmanni sínum, Andy Stewart, snemma í sambandi þeirra.

„Ungu konur, hlustið á mig,“ sagði hún í stiklu heimildarmyndina „Martha“ sem kemur á Netflix þann 30. október næstkomandi.

„Ef þú ert gift og eiginmaður þinn byrjar að halda framhjá þér, þá er hann drullusokkur.“

Síðan mátti heyra einhvern spyrja Mörthu út í hennar framhjáhald og hún svaraði: „Já, en ég held að Andy hafi aldrei haft hugmynd um það.“

Martha og Andy gengu í það heilaga árið 1961. Þau skildu að borði og sæng árið 1987 og gekk skilnaðurinn í gegn árið 1990. Þau eiga saman dóttur, Alexis Stewart, 59 ára.

Horfðu á stikluna hér að neðan.