Berry er með 8,6 milljónir fylgjenda á Instagram. Hún birti fyrir stuttu mynd af sér á nærfötunum einhvers staðar úti í náttúrunni, í kringum stóra steina.
Myndin sló í gegn, enda Berry glæsileg kona með stóran aðdáendahóp. En fljótlega fóru netverjar að taka eftir svolitlu á myndinni, þremur kúkahrúgum.
Leikkonan, sem er 57 ára, skrifaði með myndinni: „Gat ekki falið þetta grjót“ og bætti við blikk-tjákni (e. emoji), og var að öllum líkindum að grínast með kúkinn fyrir framan hana.
En margir netverjar virtust ekki fatta grínið, eða einfaldlega skildu ekki hvers vegna hún hafi ákveðið að stilla sér upp fyrir seiðandi myndatöku svona nálægt kúk.
Einhverjir sögðust halda að þetta væri mannaskítur, en þá steig Berry inn í samræðurnar og sagði að þetta hefði ekki verið eftir mannfólk heldur líklegast villt dýr.
Það er ekkert nýtt fyrir Berry að vekja athygli með myndum sem hún birtir á samfélagsmiðlum. Nýársmynd hennar vakti gríðarlega athygli.
Sjá einnig: Halle Berry kveikti í Instagram með svakalegri lyftumynd
