Athafnamaðurinn og áhrifavaldurinn Nökkvi Fjalar Orrason leggur mikið upp úr því að rækta andlega og líkamlega heilsu. Hann birtir reglulega færslur á Instagram þar sem hann deilir þeim hluta af lífi sínu, eins og hvernig hann endar daginn á hugleiðslu og dagbókarskrifum, eða hvaða bækur breyttu sýn hans á lífið.

Sjá einnig: Tilvitnunin sem breytti lífi Nökkva Fjalars

Nökkvi hefur verið óhræddur við að setja sér háleit markmið og leggja mikið á sig og er næsta markmið engin undantekning. Hann ætlar að „hverfa“ í 90 daga, vakna fyrir allar aldir, æfa eins og brjálæðingur, borða hollt – eða jafnvel ekkert í sólarhring í senn – og sjálfsfróun fer einnig á bannlistann.

Hann greinir frá þessu á Instagram, en þetta var síðasta færslan hans næstu þrjá mánuði. Prófaðu að endurhlaða síðuna ef þú sérð ekki færsluna hér að neðan.

 

View this post on Instagram

 

A post shared by Nikki Orrason (@nokkvifjalar)

Nökkvi kallar þetta: „Operation: Disappear“.

„Hefur þú einhvern tíma heyrt um að hverfa í 90 daga?“ spyr hann og fer síðan yfir hvað felst í þessari „aðgerð“.

• „Engir samfélagsmiðlar.
• Vakna fyrir klukkan fimm á hverjum degi.
• Borða hreint fæði, fasta þrisvar í viku í 24 klukkutíma.
• Fara í ræktina sex sinnum í viku.
• Vítamín/bætiefni á hverjum degi.
• „Power klukkutími“ á hverjum morgni.
• Lesa/hlusta á 24 bækur á þessum 90 dögum.
• Engin sjálfsfróun [innsk. blm: Nökkvi skrifaði „No fap“ sem er hægt að þýða sem engin sjálfsfróun.]
• Leggja allt í þetta.“

Að lokum segir Nökkvi:

„Líf þitt mun aldrei verið það sama ef þú hverfur í 90 daga. Sjáumst aftur eftir 90 daga.“

Gangi honum vel!