Arnhildur Anna Árnadóttir kraftlyftingakona og þjálfari og Alfreð Már Hjaltalín, heilsunuddari, eignuðust sitt fyrsta barn, dóttur, 1. júní.
Fjölskyldan beið með eftirvæntingu eftir barninu og svo skemmtilega vill til að móðir Arnhildar, Borghildur Erlingsdóttir, forstjóri Hugverkastofu, fékk fyrsta ömmubarnið í síðbúna afmælisgjöf.
„Afmælisdagurinn var einn sá magnaðasti hingað til þar sem elsku ömmugullið mitt ákvað að hefja ferðalag sitt í heiminn þennan dag. Dagurinn og kvöldið einkenndust því af spennu og eftirvæntingu eftir litlu dömunni okkar. Ég fékk fallegustu og verðmætustu gjöfina í morgun, 1. júní, þegar fallega prinsessan okkar fæddist loks í þennan heim. Hún stækkaði hjarta mitt um mörg númer auk þess sem hún kom með sólina og sumarið með sér,“ segir Borghildur, sem varð 54 ára 31. maí.