Framhjáhöld á vinnustað eru nokkuð algeng. Samkvæmt Forbes heldur einn af hverjum fimm framhjá með samstarfsfélaga.
Það er ýmislegt í hegðun maka sem gæti gefið vísbendingu um að hann sé að halda framhjá en samkvæmt sérfræðingum eru þetta tíu helstu merkin um að makinn sé að halda framhjá með einhverjum úr vinnunni.
1. Þér er ekki lengur boðið í viðburði á vegum vinnunnar
Ef makinn forgangsraðar vinnuviðburðum fram yfir tíma með þér, og býður þér ekki með, þá gæti það verið merki um að það sé eitthvað á bak við það.
2. Makinn kemur seint heim úr vinnu
Ef makinn byrjar að vinna reglulega frameftir þá gæti það auðvitað þýtt að það sé meira að gera í vinnunni, en það gæti líka þýtt að það sé einhver þar sem hann vill eyða meiri tíma með.
3. Breytt útlit
Ef maki þinn hefur alltaf verið frekar slakur varðandi í hverju hann klæðist í vinnu eða hvernig hann lítur út, en er skyndilega farinn að spá mikið í því, þá skaltu reyna að komast að ástæðunni á bak við það.
4. Passar upp á raftækin sín
Ef makinn þinn byrjar allt í einu að passa vel upp á raftækin sín, eins og tölvu og síma, þá gæti hann verið að fela eitthvað.
5. Skyndilegur metnaður eða spenna fyrir vinnu
Ef hann var kominn með upp í kok af vinnunni en er núna allt í einu svaka spenntur að mæta í vinnuna, þá gæti nýr samstarfsmaður verið ástæðan.
6. Minnist oft á einhvern
Ef makinn er sífellt að minnast á sömu manneskjuna, eða þegar hann er að tala um nokkra samstarfsfélaga en sleppir alltaf að nefna sama nafnið, þá gæti það verið grunsamlegt.
7. Fer í vörn
Ef makinn fer í vörn þegar þú spyrð hann um eitthvað, eins og af hverju hann bauð þér ekki í vinnupartýið eða af hverju hann hafi verið að vinna fram eftir.
8. Er í samskiptum við samstarfsfélaga eftir vinnutíma
Ef makinn eyðir miklum tíma að tala við samstarfsfélaga utan vinnutíma, þá gæti eitthvað verið í gangi á milli þeirra.
9. Breyttur vinnutími
Ef vinnutími maka þíns skyndilega breytist þá gæti það verið til að eyða meiri tíma með ákveðnum aðila í vinnunni.
10. Ný áhugamál
Ef maki fær skyndilega nýtt áhugamál, það gæti verið ekkert. En það gæti líka verið því einhver í vinnunni hans hefur áhuga á því.