Lily-Rose, 23 ára, hefur hingað til haldið sig frá því að ræða um mál föður síns opinberlega.
Leikarinn hefur verið mikið í umræðunni undanfarið ár eftir að sýnt var í beinni útsendingu frá málaferlum hans gegn fyrrverandi eiginkonu sinni, Amber Heard. Depp sakaði sína fyrrverandi um að hafa kallað hann ofbeldismann milli lína í grein sem hún ritaði hjá miðlinum Washington Post. Mikið af málarekstrinum snerist um meint ofbeldi og hvort þeirra hjóna hefði beitt því.
Málið vakti gríðarlega athygli og höfðu einhvern veginn allir eitthvað um málið að segja, nema dóttir Depp, Lily-Rose. Hún hefur sagt lítið um málið en sýndi föður sínum stuðning fyrst þegar hann var sakaður um ofbeldi árið 2016. Hún birti gamla mynd af sér og föður sínum og skrifaði með: „Pabbi minn er ljúfasta og yndislegasta manneskja sem ég þekki.“ Hún eyddi síðan myndinni og hefur haldið sig frá umræðu um föður sinn.
Sjá einnig: Johnny Depp táraðist eftir að allir risu úr sætum til að fagna honum – „Þetta er furðulegur brandari“
Leikkonan er stödd á Cannes kvikmyndahátíðinni til að kynna nýju kvikmynd sína, The Idol. Faðir hennar mætti á frumsýningu Jeanne du Barry, þar sem hann fer með aðalhlutverk, og fékk sjö mínútna standandi lófaklapp á hátíðinni. Viðvera hans á hátíðinni hefur verið umdeild, margir taka henni fagnandi sem og endurkomu hans í bransann. Meðan aðrir gagnrýna hana vegna ofbeldisásakanna fyrrverandi eiginkonu hans. Útlit hans á rauða dreglinum vakti einnig mikla athygli, en aðdáendur lýstu yfir áhyggjum af tönnum leikarans.
Sjá einnig: Útlit Johnny Depp vekur óhug
Lily-Rose tjáði sig um endurkomu föður síns á hátíðinni. „Ég er mjög hamingjusöm fyrir hans hönd. Það er svo frábært að við fáum bæði að gera verkefni sem við erum mjög stolt af,“ sagði hún í samtali við Entertainment Tonight.
