Í gær deildi raunveruleikastjarnan myndbandi af sér í ræktinni á Instagram. Hún svaraði síðan athugasemdum netverja, bæði leiðinlegum og skemmtilegum.
View this post on Instagram
Einn spurði: „Saknarðu gamla andlitsins þíns?“
Khloé var stuttorð og svaraði: „Nei.“
Annar netverji sagði: „Prófaðu að sleppa filter.“
„Hvað hefur það með æfinguna að gera?“ sagði þá stjarnan.
Í mörg ár hefur Khloé verið á milli tannanna á fólki fyrir að breyta myndum eða útliti sínu, en andlit hennar hefur breyst töluvert í gegnum árin.
Ýmsar kenningar eru á sveimi, eins og að hún hafi gengist undir fjölda fegrunaraðgerða og noti myndvinnsluforrit áður en hún deilir myndum á samfélagsmiðlum. Khloé, 38 ára, er með 300 milljón fylgjendur á Instagram.
Hér að neðan má sjá Khloé Kardashian í gegnum árin.
Þegar Keeping Up With The Kardashians fór í loftið var Khloé óþekkt 22 ára kona. Hún hefur viðurkennt að á þessum tíma hafi hún verið mjög óörugg, þar sem fjölmiðlar og áhorfendur voru sífellt að bera hana saman við eldri systur sínar, Kim og Kourtney Kardashian.
„Ég áttaði mig ekki á því að ég væri „feita systirin“ fyrr en ég var í sjónvarpinu og fjölmiðlar fóru að segja það um mig,“ sagði hún.
Ári seinna var Khloé byrjuð að breyta útliti sínu minniháttar, eins og að hvítta tennurnar og vera með gervibrúnku.
Khloé var þarna byrjuð að skera sig aðeins úr systrahópnum með því að lita hárið ljósara. Margir telja líklegt að þarna hafi hún verið byrjuð að gangast undir ýmis konar fegrunaraðgerðir.
Kardashian-Jenner systurnar hafa lengi verið sakaðar um að breyta samfélagsmiðlamyndum sínum áður en þær deila þeim, en af þeim öllum hefur Khloé örugglega sætt hvað harðastri gagnrýni.
Útlit Khloé virðist vera síbreytilegt og er nokkuð öruggt að hún sé að notast við einhvers konar myndvinnsluforrit.
Fjölmargir telja gagnrýnina vera réttmæta, þar sem þetta getur verið blekkjandi fyrir ungar konur að sjá á samfélagsmiðlum og halda að þetta sé raunhæft útlit til að stefna að. En aðrir benda á að það þarf einnig að taka inn í myndina að útlitspressan á Khloé hefur verið gífurleg undanfarin sextán ár. Hún er stöðugt gagnrýnd fyrir útlit sitt og borin saman við systur sínar.
View this post on Instagram
View this post on Instagram