Það kennir oft ýmissa grasa í keppnisþáttunum American Idol og oft er hreint óbærilegt að horfa á sum atvikin. Eitt slíkt átti sér stað um helgina.
Dansarinn Fire Wilmore, sem er 22 ára, gekk í gegnum rússíbana tilfinninga á sviðinu á meðan dómararnir þrír, Katy Perry, Luke Bryan og Lionel Richie pössuðu fyrir hana fjögurra ára dóttur hennar.
Wilmore fór í gegnum sorgarsögu sína. Hún hafi átt móður sem glímdi við fíkn sem leiddi til þess að henni var komið fyrir á fósturheimili. Hún endaði svo sjálf ólétt og ein aðeins 18 ára gömul. Hún hefur unnið fyrir sér sem fatafella en dreymir um betra líf fyrir sig og dóttur sína.
Hún söng lagið Talking To The Moon með Bruno Mars og var bara frekar góð. En ekki frábær og dómararnir sögðu henni það. Katy Perry gaf henni meira að segja nokkur góð ráð. Þó að gagnrýninni hefði fylgt hvatning stöðvaði það ekki tárin hjá Wilmore.
Það var þá sem dóttir hennar, Maja, greip svokallaðan gull miða af borði dómaranna, en slíkir miðar eru gefnir keppendum sem farmiði yfir í næstu umferð keppninnar, og fór með hann til móður sinnar.
„Ég held ég hafi fundið þetta,“ sagði litla stúlkan.
„Skilaðu þessu,“ kallaði móðir hennar þá. „Skilaðu þessu.“
Katy Perry ákvað að bregðast við aðstæðum með því að bjóða Wilmore annað tækifæri til að koma í prufur sem þú þáði.
„Ég vil það ekki. Ég þarf það“