David Vetter var kallaður kúlustrákurinn. Hann fæddist í september árið 1971 með mjög sjaldgæfan erfðasjúkdóm, SCID (severe combined immunodeficiency) sem ræðst á ónæmiskerfið svo líkaminn getur ekki barist gegn sýkingum.
Læknar áttuðu sig fljótlega á því að David litli þyrfti að vera í sótthreinsaðri plastkúlu því hann mátti ekki komst í snertingu við umheiminn.
Alla sína ævi dvaldi hann í plastkúlu á sjúkrahúsi í Houston í Bandaríkjunum.
Þetta var mjög einangruð tilvera en þrátt fyrir þessar miklu hömlun bjó David sér til líf inni í kúlunni sinni. Hann elskaði að lesa vísindaskáldsögur og átti stóra drauma um líf fyrir utan plastið.
Hann var náinn fjölskyldu sinni en foreldrar hans máttu þó ekki snerta hann.
Hann var tólf ára þegar hann fékk koss frá móður sinni í fyrsta skipti. Þá var hann mjög veikur og læknar þurfti að taka hann úr plastkúlunni til að skoða hann. David lést skömmu síðar, árið 1984 af völdum sýkingar aðeins tólf ára gamall.
Saga hans vakti mikla athygli um heim allan. Hann varð eins konar stjarna í Bandaríkjunum og hafa verið gerðar bíómyndir og Broadway söngleikur um sögu hans.
Það mætti segja að líf og arfleifð David hafi haft mikil áhrif á læknavísindi og samfélagið. Saga hans vakti athygli á sjaldgæfum erfðasjúkdómum og mikilvægi rannsókna í þágu vísinda, einnig sýndi það mikilvægi þess að hafa samkennd með sjúklingum sem glíma við alvarlega sjúkdóma.
Landlæknir samþykkti árið 2016 að skima alla nýbura á Íslandi fyrir SCID. Skimunin var sett upp á ónæmisfræðideild Landspítala í samstarfi við erfða- og sameindalæknisfræðideild og Barnaspítala Hringsins og hafa nýburar á Íslandi verið skimaðir síðan maí 2017.
