Júlí Heiðar er gestur vikunnar í Fókus, spjallþætti DV í umsjón Guðrúnar Óskar Guðjónsdóttur.
Í þættinum fer Júlí Heiðar um víðan völl. Hann segir frá röð tilviljunarkenndra atvika sem varð til þess að hann byrjaði að vinna í banka, fjölskyldulífinu, tónlistarferlinum, hvernig hann kom sér á beinu brautina eftir að hafa farið út af sporinu og uppgjöri fortíðarinnar.
Sjá einnig: Fór út af sporinu og lífið snerist aðeins um næstu helgi
Söngvarinn opnar sig um einelti sem hann varð fyrir í æsku þegar hann gekk í grunnskóla á Þorlákshöfn, þar sem hann er uppalinn.
„Ég átti eiginlega aldrei breik. Ég hékk eiginlega alltaf með stelpunum, ég var í tuttuga og eitthvað manna bekk og þetta voru sextán eða sautján strákar og restin voru stelpur,“ segir hann.
„Það var ekki að hjálpa mér að ég var að læra samkvæmisdans, og ég er frá Þorlákshöfn. Það var ekki nett að vera í samkvæmisdansi. Ég heiti líka Júlí, það er sérstakt nafn, þannig það spilaði líka inn í. Svo líka, mamma mín er besta kona í heimi og hún er mjög smekkleg, þannig hún klæddi mig alltaf í rosa flott föt. Ég held mögulega að það hafi líka ekkert verið að hjálpa. Þá hefur það væntanlega brotist út hjá öðrum í öfund eða eitthvað svoleiðis,“ segir hann.
Hann segir nánar frá þessu og hvaða áhrif eineltið hafði á hann seinna á lífsstíðinni í spilaranum hér að ofan. Ef þú vilt horfa á þáttinn í heild sinni smelltu hér.
Hlustaðu á Júlí Heiðar á Spotify eða YouTube og fylgdu honum á Instagram.
