Eins og alþjóð veit er Eurovision í gangi, fyrra undanúrslitakvöldið fór fram í gær og það seinna er á fimmtudag þar sem Diljá Pétursdóttir keppir fyrir hönd Íslands með lagið Power. Úrslitakvöldið er svo laugardaginn 13. Maí.

Jóhannes Þór Skúlason, framkvæmdastjóri Samtaka ferðaþjónustunnar, fer yfir kvöldið á Facebook og er bæði sáttur með löndin 10 sem komumst áfram og ekki. Segir hann meðal annars fyrri undanriðill sterkari en þann seinni, sem er gott fyrir Ísland.

En hér er skýrsla Jóhannesar Þórs eftir gærkvöldið:

Skýrsla greiningardeildar Gleðibankans um fyrri undanriðil liggur fyrir. Helstu niðurstöður:

– Ekkert getur komið í veg fyrir að Ísland gefi Finnum #12stig á laugardaginn. Það er öruggasta veðmál allra tíma. 

– Hollenska lagið var jafn herfilega leiðinlegt og Arcade. Vill einhver plís biðja Duncan Lawrence að hætta að semja júróvisjónlög.

– Það stefndi í nýja og djúsí reglu í drykkjuleikinn á laugardaginn: Kjarnorkugullglimmerkameltá = sopi, en svo komust Írar ekki áfram.

– Hannah Waddingham er the absolute GOAT.

– Bleikt er in. Adjust your wardrobes accordingly.

– Enginn skilur hví serbneski róbótafrelsarinn komst áfram. Hví?!

– Pragdætur verða á topptíu, annars er vitlaust talið.

– Fléttur eru in. Stórar og litlar. Byrjið að safna hári.

– Evrópa er ennþá sökker fyrir fólki með horn og smávöxnum mönnum sem hlaupa um og spila á flautur. Það er gott að sumt breytist bara aldrei.

– Það er aldrei of mikið Balkan.

– Þessi riðill var mun sterkari en sá síðari. Meiri möguleikar á allskonar upset í þeim seinni, sem er gott fyrir Ísland.

– Króatía með feit pólitísk skilaboð en alveg án þess að vera með pólitísk skilaboð. New skill unlocked.

– Bucks Fizz á staðnum en ekki á sviði? Skandall!

– Einvígið harðnaði í kvöld. Queen Loreen átti algerlega solid performans og flottustu myndvinnsluna en Käärijä vann hug og hjörtu og rústaði líklega riðlinum. Þetta verður eitthvað á laugardag, þegar Svíþjóð tekur dómnefndirnar, Finnland símakosninguna, og svo er spurning hvaða áhrif Frakkland og Úkraína munu hafa í sitt hvorri kosningunni.