Harry prins er sagður hafa hunsað kvöldverð með Karli Bretakonungi, föður sínum, og Vilhjálmi bróður sínum daginn sem Elísabet Englandsdrottning lést. Í umfjöllun Daily Mail kemur fram að Harry hafi verið í svo miklu uppnámi vegna þess að Karl hringdi í hann þennan örlagaríka dag og sagði það ekki við hæfi að eiginkona Harrys, Meghan Markle, myndi vitja Elísabetar með honum á dánarbeðinu.
Harry á að hafa orðið afar reiður og meðal annars misst af flugi sem aðrir meðlimir konungsfjölskyldunnar, þar á meðal Vilhjálmur bróðir hans, stukku í til þess að komast með hraði til Balmoral-kastala þar sem Elísabet lést.
Harry kom síðar um kvöldið og bauðst þá að snæða kvöldverð með Karli, Vilhjálmi og Camillu Parker-Bowles. Hann á að hafa hunsað boðið og kosið þess í stað að borða kvöldverð með frænda sínum Andrew prins og öðrum meðlimum konungsfjölskyldunnar. Daginn eftir tók Harry svo fyrsta mögulega flug tilbaka og í faðm eiginkonu sinnar.