Leikkonan Blake Lively á von á sínu fjórða barni með eiginmanni sínum, leikaranum Ryan Reynolds.
Hjónin tilkynntu fréttirnar á fimmtudaginn síðastliðinn og síðan þá hafa paparazzi ljósmyndarar ekki látið leikkonuna í friði. Hún lætur þá heyra það í færslu á Instagram og birtir nokkrar myndir.
„Hér eru myndir af mér óléttri svo að ellefu gaurarnir sem bíða fyrir utan heimili mitt geta látið mig í friði. Þið fríkið mig og börnin mín út,“ segir hún.
Blake þakkar öllum þeim sem hafa sýnt henni virðingu og ást undanfarið. „Og fyrir að halda áfram að hætta að fylgja síðum og fjölmiðlum sem birta myndir af börnunum mínum. Þið farið með völdin,“ segir hún og þakkar einnig fjölmiðlum sem eru með þá reglu að birta ekki myndir af börnum í leyfisleysi.
Færsla leikkonunnar hefur slegið í gegn og hafa yfir 8,3 milljón manns líkað við hana.
View this post on Instagram