Líklega muna færri eftir því hver hlaut Óskarsverðlaunin eftirsóttu í ár samanborið við þá sem muna eftir stærstu uppákomunni á verðlaunahátíðinni, eftirminnilega kinnhestinn sem leikarinn Will Smith rak grínistanum Chris Rock.
Chris Rock stóð upp á sviði og var að reita af sér brandarana þar sem til hann sagði brandara sem Will Smith þótti fara yfir strikið, en brandarinn varðaði eiginkonu Smiths, Jada Pinkett Smith. Will brást við með því að rjúka upp á sviðið þar sem hann sló Rock utanundir af töluverðum krafti.
Um fátt annað var rætt í Hollywood næstu daga. Var þetta sviðsett? Var þetta hetjudáð hjá Smith að verja heiður konu sinnar eða gekk hann rækilega yfir strikið?
Chris Rock hefur nú loksins opnað sig um atvikið. Hann var með sýningu á sunnudaginn þar sem sagðist sjá fyndnu hliðarnar á atvikinu. Hann mun hafa sagt: „Þeir sem halda því fram að orð geti meitt hafa greinilega aldrei verið kýldir í andlitið.“
Chris tók fram að þetta hafi verið virkilega sársaukafullt. „En ég hristi þetta af mér og mætti í vinnuna daginn eftir. Ég fer ekki upp á spítala með smá skeinu.“
Grínistinn Kevin Hart kom svo Chris á óvart um helgina. Hann gaf Chris ekki kinnhest heldur geit. En orðið geit hefur verið notað til að lýsa þeim eða því sem er það besta í heimi eða á ensku : The greatest off all time (GOAT).
Annar grínisti, Dave Chappell mætti svo á sviðið og gerði gott svo betur er hann tilkynnti nafn geitarinnar – sem er Will Smith.
Atvikið átti að vera krúttlegt, enda átti geitin að tákna hvað Hart lítur mikið upp til Rock. Hins vegar var geitin ekkert sérstaklega samvinnufús og þakkaði fyrir sig pent með því að skíta á skóinn hans Rock.
Því hefur Rock í tvígang á einu ári lent í neikvæðum upplifunum á sviði með Will Smith. Annars vegar var honum rekinn líklega með þeim frægari kinnhestum síðari ára, og hins vegar skeit Will Smith á skóna hans.
Kevin Hart gifts Chris Rock a GOAT 🐐 called … Will Smith! 😂 pic.twitter.com/Pdlembdknv
— Mr. Tshweu (@TshweuMoleme) July 25, 2022