Samfélagsmiðlastjarnan Charlie D‘Amelio hefur verið með flesta fylgjendur á TikTok síðan 2020 – en ekki lengur.
Khaby Lame hefur nú steypt henni af stóli, hann er með 142,6 milljón fylgjendur og hún er með 142,2 milljón fylgjendur á miðlinum.
Charlie, 18 ára, byrjaði á TikTok árið 2019 og varð fljótlega vinsælasta manneskjan á miðlinum, með yfir hundrað milljón fylgjendur árið 2020.
@charlidamelio dc @claire ♬ why are famous people using this LMAO – quix 😉
Khaby Lame, 22 ára, er nú kóngurinn á TikTok, þó hann segi sjaldan eitthvað í myndböndunum sínum þá eru það svipbrigði hans og hvernig hann gerir grín að myndböndum annarra áhrifavalda sem hafa komið honum á toppinn.
@khaby.lame Could be the new Khaby ?🤣🤣 👩🏿🦱 🤲🏾 Potrebbe essere il nuovo Khaby? #learnfromkhaby #imparacontiktok #stitch ♬ suono originale – Khabane lame
Undanfarið hefur myllumerkið #KhabyToNumberOne verið að trenda á TikTok og samkvæmt Social Blade hefur hann fengið rúmlega 3 milljónir nýrra fylgjenda síðastliðinn mánuð en Charlie eina milljón. Það var því sigur fyrir aðdáendur hans þegar hann komst í toppsætið.
Í samtali við The New York Times fyrir stuttu sagði Khaby að viðbrögð hans og svipbrigði eru „tungumál heimsins.“
„Fólk hlær af andlitinu mínu og svipbrigðunum mínum,“ sagði hann aðspurður hvað það væri sem gerði hann svona vinsælan.