Sjöfn Þórðar heimsækir bæði höfuðstöðvar Feel Iceland og VIGT í þættinum í kvöld. Á HönnunarMars leiddu fyrirtækin krafta sína og voru með opið hús í höfuðstöðvum Feel Iceland.
Sjöfn Þórðardóttir er með þáttinn sinn vinsæla, Matur&heimili, á Hringbraut í kvöld kl. 19 og aftur kl. 21.
Þáttur kvöldsins er tileinkaður Hönnunarmars sem haldinn var með pompi og prakt í byrjun maí. Sjöfn heimsækir hönnunarfyrirtækið VIGT, frumkvöðlafyrirtækið Feel Iceland og veitingastaðinn Hnoss í Hörpu sem var þar í samstarfi við Rammagerðina.
Frá upphafi hefur VIGT stuðst við staðbundna framleiðslu og er samstarf móður og þriggja dætra. Guðfinnu, Örnu og Hrefnu Magnúsar dætra og Huldu Halldórsdóttur. „Við höfum framleitt vörur helgaðar heimilinu síðan 2013 og erum með okkar höfuðstöðvar í Grindavík. Framleiðsla í nærumhverfi hjá fjölskyldureknum fyrirtækjum hefur verið áhersluatriði hjá okkur,“ segir Guðfinna.
„Feel Iceland er íslenskt frumkvöðlafyrirtæki sem að framleiðir og selur kollagen fæðubótarefni unnið úr þorskroði sem hefur notið verðskuldaðrar athygli og vinsældir Feel Iceland ná langt út fyrir landsteinana ef svo má að orðið komast,“ segir Ásta og ánægð með þær viðtökur sem kollagen hefur fengið hérlendis sem erlendis.
Staðbundinn efniviður var tilraunaverkefni VIGT á HönnunarMars í ár. „Í tilefni hönnunarhátíðarinnar VIGT gaf eldri hönnun nýtt gildi með staðbundnum efnisvið ásamt því að sýndum vörur með sömu gildum. Við hönnuðum og unnum til að mynda snaga úr lerki og kirkjubekk úr blágrýti fyrir HönnunarMarsinn í ár. Snagarnir úr íslensku lerki eru stílhrein og tímalaus hönnun þar sem einfaldleikinn er í fyrirrúmi. Einnig er íslenska blágrýtið í forgrunni í hönnuninni í ár,“ segir Guðfinna.
Einstök flétta með íslensku handverki og íslenskri matargerð
Á HönnunarMars gafst einstakt tækifæri, sem aldrei áður hafði sést, að upplifa íslenska hönnun í gegnum öll skilningarvitin. Þar flæddu saman íslensk handverk og íslensk matargerð á ótrúlegan hátt með gómsætri kampavínspörun sem lét engan ósnortinn
Hér var ferðinni samstarfsverkefni veitingastaðarins Hnoss í Hörpu og Rammagerðarinnar sem Fanney Dóra Sigurjónsdóttir matreiðslumeistari á Hnoss og Auður Gná hjá Rammagerðinni áttu heiðurinn af í samstarfi við hönnuði og listamenn á mörgum sviðum. Það má með sanni segja að útkoman sé stórfengleg og eigi sér enga líka. Í þættinum Matur og heimili heimsækir Sjöfn Þórðar Fanneyju Dóru á Hnoss og fær innsýn í þetta einstaka samstarfsverkefni sem þær Fanney Dóra og Auður settu upp sem var heill heimur íslenskrar hönnunar og matreiðslu.
„Boðið var upp á alíslenskt borðhald, þar sem hráefnin komu öll beint frá býli og punktinn yfir i-ið setti síðan Rammagerðin sem bjó til borðhald þar sem hver hlutur var sérhannaður fyrir þennan tiltekna viðburð. Áhugafólki um íslenska hönnun var boðið að setjast að borðum og upplifa íslenska hönnun og matreiðslu á hátt sem ekki hafði verið kynntur fyrr hér á landi,“ segir Fanney Dóra sem átti heiðurinn á matseðlinum þar íslenska hráefnið spilaði aðalhlutverkið.
Brot úr þætti kvöldsins má sjá í spilaranum hér fyrir neðan: