Söngkonan Britney Spears og unnusti hennar Sam Ashgari greindu frá því í samfélagsmiðlum í kvöld og þau hefðu orðið fyrir fósturláti. Parið greindi frá því í byrjun apríl að þau ættu von á barni saman sem hefði orðið þriðja barn söngkonunnar. Fyrir á hún tvo syni, Sean (16 ára) og Jaden (15 ára) með dansaranum Kevin Federline.
„Það er með djúpri sorg sem við greinum frá því að við höfum misst kraftaverkabarnið okkar snemma á meðgöngunni,“ skrifaði parið í yfirlýsingu.
Sjá einnig: Britney Spears á von á barni – Opnar sig um meðgönguþunglyndi
„Þetta er erfiður tími fyrir alla foreldra. Mögulega hefðum við átt að bíða með að tilkynna um óléttuna þar til við værum komin lengra áleiðis. Við vorum hins vegar svo spennt að greina frá góðu tíðindunum,“ segir parið ennfremur.
Þá þökkuðu Britney og Sam aðdáendum sínum fyrir stuðninginn á þessum erfiðu tímum. „Við munum upplifa kraftaverk innan tíðar,“ skrifað Sam ennfremur undir sameiginlega færslu parsins.
