Leikkonan Courteney Cox opnar sig um að hafa gengið of langt í fegrunaraðgerðum og slúðrið sem fylgdi í viðtali við breska Sunday Times á dögunum.

Courteney Cox varð fyrst fræg fyrir hlutverk sitt sem Monica í sjónvarpsþáttunum Friends sem slógu í gegn á tíunda áratugnum. Hún var búin að láta breyta sér þónokkuð áður en hún byrjaði í þáttunum Cougar Town árið 2009. Fjölmiðlar fóru að fjalla sífellt meira um útlit hennar og voru háværar sögusagnir um að hún hefði lagst undir hnífinn. Í þætti af Running Wild with Bear Grylls í ágúst 2016 sagðist Courteney hafa fengið sér fyllingar því hún hafi verið að eltast við að líta unglega út.

Árið 2017 lét hún leysa upp fyllingar í andliti sínu og sagðist sjá eftir því að hafa barist gegn öldrunareinkennum með lýtaaðgerðum.

„Það kom tímapunktur þar sem ég hugsaði: „Ég er að breytast. Ég er byrjuð að eldast.“ Og ég reyndi að elta þennan æskuljóma eins og ég gat í mörg ár. Og ég áttaði mig ekki á því að: Andskotinn, ég er reyndar frekar furðuleg með allar þessar fyllingar. Og ég var að gera hluti við andlitið mitt sem ég myndi aldrei gera núna,“ segir hún við Sunday Times.

Leikkonan segir að „fólk talaði um mig, held ég“ og „það kom tímabil þar sem ég áttaði mig á því að ég þyrfti að stoppa, þetta var orðiðklikkað.“

Courteney ræddi við NewBeauty um fegrunaraðgerðirnar árið 2017 og sagðist líða betur án fyllinganna.

„Mér líður betur því ég lít út eins og ég sjálf,“ sagði hún.