„Krassandi konur er spjallþáttur með hressu skemmtilegu ívafi og fjallar um það helsta, bæði góða og slæma sem fylgir því að vera kvenmaður. Heilsa, lífstíll, hvatningu, samskipti kynjanna, karlmenn, útlit, lýtalækningar, fegrunarmeðferðir og allskonar,“ sagði Ásdís í samtali við DV í síðustu viku.
Fyrsti gestur Ísdrottningarinnar er Valdimar Þór Svavarsson, ráðgjafi hjá Fyrsta skrefinu. Þau fara um víðan völl í þættinum, þau ræða meðal annars um hvort það sé hægt að byggja upp traust í sambandi á ný eftir framhjáhald en þátturinn ber yfirskriftina: „Lífið eftir framhjáhald og daður á samfélagsmiðlum.“
Ásdís Rán spyr hvort það sé hægt að laga samband eftir framhjáhald.
„Stutta svarið er já. En langa svarið er að það fer eftir aðstæðum að hverju sinni […] Þetta er ótrúlega misjafnt. En þetta er áfall og gríðarleg sorg og reynir á mjög margt, mikið af tilfinningum,“ segir hann og útskýrir nánar í þættinum sem má horfa á hér að neðan.
