fbpx
Laugardagur 26.nóvember 2022
Fókus

Sambandsslit Þórhalls og Deniz setja tyrknesku pressuna á hliðina – Meint afbrýðisemi, brúðkaupsáform og óvelkomin myndataka

Fókus
Mánudaginn 21. nóvember 2022 15:00

Ekki missa af Helstu tíðindum dagsins í pósthólfið þitt

Lesa nánar

Óhætt er að fullyrða að tyrkneskir fjölmiðlar logi út af fregnum af sambandsslitum íslenska auglýsingaleikstjórans Þórhalls Sævarssonar og fegurðardrottningarinnar Dilan Çiçek Deniz. Fréttir bárust fyrst af sambandi þeirra í júlí 2021, en sambandið virðist hafa byrjað í júní ef marka má færslu Þórhalls á Instagram í júní síðastliðnum þar sem hann fagnaði árs sambandsafmæli þeirra.

Tyrkneski miðillinn Posta segir að parið hafi ætlað að gifta sig en hafi þó frestað því og stefnt frekar á næsta sumar. Síðan hafi komið á daginn að sambandið hefði runnið sitt skeið. Þar segir að sambandsslitin hafi átt sér stað í síðustu viku eftir rifrildi og það hefði verið afbrýðisemi Þórhalls sem varð banabitinn. Síðar hafi Þórhallur sést úti að skemmta sér með tveimur ungum konum á klúbb í Kuruçeşme og birti miðillinn myndir frá kvöldinu og segir að Þórhallur hafi farið fram á að myndunum yrði eytt, en án árangurs. Sömu sögu segir í miðlinum Milliyet og í Takvim.

Tyrkneska CNN segir að þau Deniz og Þórhallur hafi rifist á almannafæri og hafi meðal annars öskubakka verið kastað í jörðina. Eins gangi þær sögusagnir að Þórhalli hafi mislíkað að Deniz léki í ástarsenu með mótleikara sínum í kvikmynd sem verið er að taka upp.

NTV segir að Deniz hafi nú fjarlægt myndir sem hún hafi birt af þeim saman á samfélagsmiðlum og sé hætt að fylgja Þórhalli. Hins vegar hafi Þórhallur ekki gert það sama.

Fjölmiðlar í Tyrklandi hafa fylgst náið með sambandi þeirra Deniz og Þórhalli og elt þau á röndum til að ná myndum.

Sjá einnig: Harðgiftur Þórhallur og nýja kærastan vinsæl hjá tyrknesku pressunni – „Hey, sálufélagi“

Þórhallur, sem á alþjóðlegum vettvangi gengur undir nafninu Thor Saevarsson, er farsæll auglýsingaleikstjóri sem hefur um árabil verið búsettur erlendis vegna vinnu sinnar, lengst af á Ítalíu. Hann hefur leikstýrt auglýsingum fyrir mörg stærstu vörumerki heims en í fréttum af ástarævintýrinu ytra hefur komið fram að hann hafi verið með annan fótinn í Tyrklandi vegna vegna margvíslegra verkefna undanfarið. Hann var áður giftur Berglindi Óskarsdóttur, fata- og fylgihlutahönnuði en þau hefðu fagnað 10 ára brúðkaupsafmæli í ágúst á síðasta ári. Þau höfðu áformað að fagna þeim áfanga með fjölda fólks, en þau plön gengu þó ekki eftir þar sem Þórhallur hafði þá þegar byrjað með Deniz.

Deniz, sem er 26 ára gömul, hefur unnið sér það til frægðar í Tyrklandi að hampa titlinum Miss Universe Tyrkland árið 2014 og hefur síðan hefur hún átt velgengni að fagna sem fyrirsæta í auglýsingum sem og leikkona í sjónvarpsþáttum og kvikmyndum.

Þórhallur og Deniz kynntust við upptökur á auglýsingu fyrir Magnum íspinna.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fókus
Fyrir 2 dögum

Sverrir Bergmann og Kristín Eva trúlofuð

Sverrir Bergmann og Kristín Eva trúlofuð
Fókus
Fyrir 3 dögum

Með hlýtt í hjarta – Sögulegar myndir frá ógleymanlegum gleðistundum

Með hlýtt í hjarta – Sögulegar myndir frá ógleymanlegum gleðistundum
Fókus
Fyrir 3 dögum

Segir að Barbara Walters hafi notfært sér aðstöðu sína í „glæpsamlegu“ viðtali

Segir að Barbara Walters hafi notfært sér aðstöðu sína í „glæpsamlegu“ viðtali
Fókus
Fyrir 3 dögum

Gera meiriháttar breytingar á stigagjöfinni í Eurovision í kjölfar svindlsins í ár

Gera meiriháttar breytingar á stigagjöfinni í Eurovision í kjölfar svindlsins í ár