Lana Wolf er 24 ára skosk klámstjarna sem starfrækir eigin OnlyFans-síðu. Hún nýtur einnig vinsælda á Instagram og leyfði nýverið fylgjendum sínum að fylgjast með villtu kvöldi í Mílanó.
Á einum tímapunkti deildi hún staðsetningu sinni með netverjum til öryggis „ef ég dey.“ Daily Star greinir frá.
Kvöldið byrjaði sakleysislega. Hún fór í augnháralengingu, spjallaði við heimamenn og sýndi frá því á Instagram Story, eins og allar hinar færslurnar sem eftir var kvöldsins.
Hún fékk sér drykki með nokkrum Ítölum og eftir því sem leið á kvöldið varð hún drukknari og færslurnar villtari.
Síðan mátti sjá Lönu í bíl með nýju vinum hennar og hún spurði þá hvort þeir vildu stunda hópkynlíf með henni.
„Þeir hafa ekki hugmynd um það sem ég er að segja,“ sagði hún.
Í annarri færslu öskraði hún hlæjandi í myndavélina: „Ég held það sé búið að ræna mér!“
Klámstjarnan talaði síðan við fylgjendur sína og sagðist eiga flug til Glasgow næsta dag.
„Ég er á Ítalíu og á morgun verð ég vonandi í Skotlandi,“ sagði hún.
Næst mátti sjá hana í einhverri íbúð með nýju vinum hennar og þau voru að drekka tekíla. Hún viðurkenndi að hún hefði ælt á sig og spurði síðan einn af nýju vinunum: „Ætlar þú að fara með mig á flugvöllinn á morgun?“
Í næstu færslu deildi Lana staðsetningu sinni og skrifar með: „Ef ég dey þá er þetta staðsetningin mín.“
Færslurnar urðu enn villtari og hún bersýnilega ölvaðri. Hún kvartaði yfir því að vinir hennar voru í hinu herberginu að stunda kynlíf en hún „þurfti að ná flugi.“
„Ég veit ekki hvar ég er, einhvers staðar á Spáni,“ sagði hún.
Síðan deildi hún myndbandi þar sem hún var í lyftu og sagði við fylgjendur: „Ég var að eiga svakalegasta trekant ævi minnar. Vitið þið hvað, ég man ekki einu sinni nöfnin þeirra.“
Í síðasta myndbandinu, sem var birt daginn eftir, var Lana orðin edrú og sagði: „Og þetta er ástæðan fyrir því að ég ætla ekki að drekka í janúar. Þetta gerist í hvert skipti sem ég drekk.“
Lana hefur áður vakið mikla athygli fjölmiðla, en hún er mikill stuðningsmaður skoska landsliðsins í knattspyrnu og heldur með Rangers í skosku deildinni. Hún lofaði landsliðinu verðlaunum ef þeir myndu vinna England.
Sjá einnig: Klámstjarnan styður Skotland og birtir nektarmynd – Lofar liðinu verðlaunum ef þeir vinna England
