Mia Khalifa bregst við húðflúri sem aðdáandi hennar fékk sér. Mia er fyrrverandi klámstjarna, íþróttafréttamaður og samfélagsmiðlastjarna. Hún skefur ekki utan af skoðun sinni á flúrinu sem hún segir vera „hræðilegt“.
Mia deildi myndbandi tattúlistamannsins af húðflúrinu og skrifaði með: „Plís segðu djók. Þetta er…. Hræðilegt.“
Húðflúrið er mynd af Miu Khalifa með frægu svörtu gleraugun.
Mia komst í heimsfréttirnar árið 2014 þegar hún fékk morhótanir frá hryðjuverkasamtökunum ISIS eftir að hafa komið fram í klámmynd með slæðu (e. hijab). Mia notaði svört gleraugu í flestum myndunum sem hún lék í. Hún lék í ellefu klámmyndum yfir þriggja mánaða tímabil. Hún seldi gleraugun til styrktar góðgerðamála fyrr á árinu.
Tattúlistamaðurinn lét ekki gagnrýnina á sig fá heldur þakkaði Miu fyrir að deila myndbandinu sínu áfram.
„Takk @miakhalifa fyrir nýju Instagram fylgjendur mína og milljónir áhorfa,“ skrifaði hann.
Þetta er ekki í fyrsta skipti sem Mia Khalifa gagnrýnir húðflúr aðdáanda. Árið 2018 deildi hún mynd af húðflúri af sér sem aðdáandi hennar hafði fengið sér. Hún skrifaði með: „HÆTTIÐ AÐ FÁ YKKUR TATTÚ AF MÉR. Þetta er alls ekki hrós, þetta er HREINT ÚT UNDARLEGT.“
