Þátturinn Matur og heimili, sem er í umsjón Sjafnar Þórðar, er á dagskrá Hringbrautar í kvöld kl. 19 og aftur kl. 21.
Sjöfn heimsækir þá Hinrik Örn Lárusson og Viktor Örn Andrésson, sem eru margverðlaunaðir matreiðslumenn og reka Sælkerabúðina. Gefa þeir áhorfendum góð ráð um grill- og eldunaraðferðir og töfra fram hina fullkomnu steik ásamt meðlæti sem enginn stenst.
Hér að neðan má sjá stutt myndskeið úr heimsókninni:
Í vor fór Sjöfn Þórðar í þættinum Matur og Heimili í garðaskoðun þar sem þrír ólíkir garðar voru komnir í vinnslu og framkvæmdir rétt að hefjast eftir hönnun Björns Jóhannssonar landslagsarkitekts hjá Urban Beat og framkvæmdin í umsjón hjá Garðaþjónustunni. Í kvöld fáum við að sjá afrakstur sumarsins og útkomuna á fyrsta garðinum af þremur. Sjöfn hittir þá Björn Jóhannssson og Hörð Lúthersson verkstjóra hjá Garðaþjónustunni og fær að sjá einn af draumagörðunum sem hannaður var í samráði við eigendur og óskir þeirra.