„Það er ánægjulegt að fá svona viðskiptavini í heimsókn til okkar sem taka lagið! Áfram veginn!“ skrifar sérhæfða gólfefnavöruverslunin Álfaborg ehf. með myndbandi sem fyrirtækið birti á Facebook-síðu sinni í gær. Myndbandið hefur vakið gríðarlega athygli og kátínu síðan það var birt á samfélagsmiðlinum.

Í athugasemdunum keppist fólk við að hrósa viðskiptavininum fyrir fallega sönginn. „Hann er snillingur drengurinn,“ segir til að mynda í einni athugasemd. „Þvílíkur meistari!“ segir í annarri. „Æðislegur, endilega að fara aftur og taka allt lagið,“ segir svo í enn annarri.

Þá skrifar faðir viðskiptavinarins einnig athugasemd og hrósar syni sínum. „Algjör dásemd þessi sonur minn,“ segir faðirinn.

Myndbandið má sjá hér fyrir neðan: