Líkt og mörg önnur fyrirtæki þá er Domino’s á Íslandi með aðgang á samfélagsmiðlinum TikTok. Domino’s á Íslandi birtir reglulega skondin og skemmtileg myndbönd í bland við auglýsingar og upplýsingar um tilboð.
Myndböndin sem Domino’s á Íslandi birtir á samfélagsmiðlinum fá yfirleitt nokkra tugi þúsunda í áhorf en fjórum sinnum hafa myndböndin þeirra þó vakið mun meiri athygli.
Nýlega birti Domino’s á Íslandi myndband þar sem pizzusendill á þeirra vegum rotast við spýtu sem maður í öðru myndbandi missti. Um svokallað „stitch“-myndband er að ræða en það þýðir að annar notandi á samfélagsmiðlinum geti birt myndband annarra aðila og bætt einhverju við það.
Ljóst er að fjölmargir höfðu gaman að þessu myndbandi frá pizzufyrirtækinu, það er nú komið með 4,4 milljón áhorf og rúmlega 760 þúsund manns hafa líkað við það. Þá er það komið með yfir 1.400 athugasemdir, í mörgum þeirra furða sig margir á því að hér á landi sé Domino’s.
Þó eru einhverjir sem þekkja Domino’s hér á landi afar vel ef marka má athugasemdirnar. „Ég sakna þess að fá mér Domino’s á Íslandi,“ segir til að mynda í einni þeirra. „Ég fór þangað árið 2018 og var þar í nokkrar vikur, úrvalið á matseðlinum var miklu betra en hér í Bandaríkjunum.
@dominos_iceland##stitch with @ceewhy13♬ original sound – Domino’s á Íslandi
Þrjú önnur myndbönd sem Domino’s á Íslandi hefur birt á samfélagsimiðlinum hafa vakið athygli utan landsteinana. Tvö þeirra hafa, líkt og myndbandið hér fyrir ofan, fengið rúmar 4 milljón áhorf. Í öðru þeirra má sjá starfsmenn Domino’s á Íslandi reyna við fyrirsætustörf en í hinu eiga áhorfendur að giska hver af þremur pizzabökurum er sá hraðasti hér á landi.
@dominos_icelandSumir elda pizzur á meðan aðrir eru model, starfsmenn Domino’s eru bæði ✨
@dominos_icelandSumir elda pizzur á meðan aðrir eru model, starfsmenn Domino’s eru bæði ✨
Eitt myndbandið vakti svo enn meiri athygli en það hefur fengið rúmar 11 milljón áhorf. Í því myndbandi má sjá pizzubakara Domino’s á Íslandi sýna listir sínar en hann útbýr pizzu með sósu og osti á einungis 17 sekúndum.
Þessi tilþrif vöktu hrifningu notenda á TikTok sem kepptust við að skrifa athugasemdir og hrósa hraðanum. Margir bölvuðu svo Domino’s í sínu heimalandi fyrir langan afhendingartíma.
@dominos_icelandReply to @footy.wrld10♬ original sound – Judson Osborn