Kynlífssérfræðingurinn Nadia Bokody segir að að fólk þurfi að hætta að gera eitt og það strax þegar kemur að kynlífi.

Nadia er vel þekktur kynlífssérfræðingur í Ástralíu og skrifar reglulega pistla sem vekja mikla athygli á news.au.

Í nýjasta pistlinum segir hún að það við séum öll sek um slæman sið þegar kemur að kynlífi. Hún segir að eitt af því versta sem við getum gert er að bera okkur saman við fyrrverandi bólfélaga maka okkar.

Samkvæmt Nadiu tengist þetta óöryggi en einnig sjálfsdýrkun. „Við þurfum að vita að við séum það besta sem komið hefur fyrir maka okkar. En málið er að fæst okkar eru það og það er í lagi,“ segir hún.

Nadia vitnar í könnun frá Elite Singles þar sem kemur fram að um 30 prósent kvenna og 21 prósent karla bera kynlíf með núverandi saman við kynlíf með fyrrverandi.

Hún vitnar einnig í rannsókn sem birtist í European Journal of Social Psychology. „Karlmenn eru óöryggir í sambandi upplifa minni kynlífsslöngun heldur en þeir sem eru öryggir,“ segir hún.

Nadia segir að áherslur kvenna og karla séu ólíkar. Karlmenn spá helst í hvernig typpastærð þeirra sé samanborið við fyrrverandi hjásvæfur á meðan konur spá í því hvernig þær lykta og líta út. „En það sem við eigum öll sameiginlegt er að spá í það hvort okkur tekst að veita maka okkar ánægju,“ segir hún.

Nadia vitnar í Christopher Brett-Renes, kynssálfræðing (e. psychosexual therapist) sem segir að samtöl um kynlíf með fyrrverandi geti verið skaðleg fyrir sambandið og fólk eigi að forðast þau.

„Fólk gleymir því oft að fyrrverandi er fyrrverandi af ástæðu og það skiptir ekki máli hvernig kynlífið var. Ekki leyfa óöryggi þínu að skemma sambandið. Makinn þinn er með þér,“ segir Christopher.