Jennifer Aniston þekkja flestir enda er hún ein frægasta leikkona heimsins. Líkt og flestar aðrar manneskjur á þessari jörð þá stundar Jennifer kynlíf. Þrátt fyrir að vera nokkuð lokuð þegar kemur að einkalífinu sínu þá hefur hún nokkrum sinnum veitt innsýn í kynlífið sitt.
Jennifer hefur verið í sambandi með stórstjörnum á borð við leikarana Brad Pitt og Justin Theroux en í dag er hún einhleyp. Þegar hún var í sambandi var hún ekki mikið í því að opna sig um kynlífið en á undanförnum árum hefur hún byrjað að opna sig aðeins meira þegar kemur að því.
Í desember árið 2016 var Jennifer gestur Ellen DeGeneres í þætti hennar og spiluðu þau leikinn „Aldrei hef ég aldrei“ (e. Never Have I Ever). Í þeim leik spurði Ellen leikkonuna hvort hún hefði einhvern tímann stundað kynlíf um borð í flugvél. Jennifer svaraði játandi og Ellen viðurkenndi að hún hafði einnig gerst sek um það.
Ellen var þó ekki búin, næst spurði hún Jennifer hvort hún hefði einhvern tímann stundað kynlíf í flugmannsklefa, Jennifer svaraði þeirri spurningu játandi. Ellen vildi vita meira og spurði hvort hún hefði stundað kynlíf með flugmanni í flugmannsklefanum og aftur svaraði Jennifer játandi. Eftir það viðurkenndi Jennifer að hún hafði einnig stundað kynlíf með aðstoðarflugmanni og flugfreyju.
Þá hefur verið slúðrað mikið um kynlíf Jennifer og Brad Pitt en þau tvö voru heitasta parið á sínum tíma. Jennifer og Brad eru sögð hafa lifað skírlífi í fimm mánuði en þá bað Brad hana um að giftast sér. Heimildarmaður The Mirror sagði á sínum tíma að þrátt fyrir að nýtrúlofuð pör væru vön að stunda kynlíf eins og kanínur þá hafi það ekki verið raunin hjá Jennifer og Brad.
Samkvæmt heimildarmanninum vildi Jennifer ekki stunda kynlíf fyrstu 9 mánuðina eftir trúlofunina. Hún er sögð hafa haft áhyggjur af því að kynlífið myndi eyðileggja sambandið. „Þetta var það sniðugasta sem Jennifer gat gert. Ímyndaðu þér að segja Brad Pitt að bíða eftir kynlífi. Það hafði aldrei gerst áður,“ sagði vinur parsins á sínum tíma í samtali við fjölmiðla.
Stjörnuparið er sagt hafa stundað kynlíf í fyrsta skipti á Valentínusardaginn árið 1999 en þá voru þau stödd í Acapulco í Mexico. „Honum fannst hún vera ómótstæðileg,“ bætti vinur parsins við.
Brad Pitt opnaði sig einu sinn um kynlíf sitt og Jennifer en hann sagði í samtali við tímaritið W árið 2001 að þau væru með „kinky“ heitapott úr marmara á heimili sínu í Beverly Hills. „Baðherbergið var það fyrsta á heimilinu sem ég gerði þegar ég og Jennifer vorum á fullu í rúminu. Það er sumt sem maður er að hugsa um… og ég hugsa að ég hafi verið með kynlíf á heilanum á þessum tíma.“
Árið 2016 var Jennifer gestur í The One Show til að kynna nýju kvikmyndina sem hún var að leika í, gamanmyndina Office Christmas Party. Þar var Jennifer spurð hvort hún væri meira eins og Rachel í Friends eða kynlífsfíkillinn sem hún leikur í Office Christmas Party. Leikstjórar myndarinnar, þeir Will Speck og Josh Gordon, svöruðu fyrir hana og sögðu að hún væri blanda af báðum. „Hún er indæl og æðisleg en hún er líka stjóri, á góðan hátt, á jákvæðan hátt,“ sagði Will.
Jennifer var þá fljót að skjóta inn í að hún ætti eitt ekki sameiginlegt með kynlífsfíklinum sem hún leikur í myndinni. „Án kynlífstækjanna,“ sagði Jennifer og við því má því búast að hún sé ekki mikill aðdáandi hjálpartækja ástarlífsins.