Baldur Freyr Einarsson er hefur verið edrú í 14 ár en hann ólst upp við mikið ofbeldi og erfiðar aðstæður. Fólk í nærumhverfi Baldurs glímir einnig við fíknivandamál. Hann er nýjasti gestur hlaðvarpsins Það er von.

„Ég var búinn að lenda í öllum tegundum ofbeldis fyrir 10 ára aldur,“ segir Baldur þegar hann talar um æskuárin í Keflavík. „Eina sem var nóg af var sársauki.“

Þegar Baldur fór að nota hugbreytandi efni af einhverri alvöru um fermingaraldur varð hann háður því strax að finna flóttann frá kvíðanum og vanlíðaninni. Uppvöxturinn var óhefðbundinn, vægast sagt, og bjó Baldur einn þegar hann var á síðasta ári í grunnskóla og stundaði námið því ekki heldur jókst neyslan.

„Þegar ég var lítill lék ég mér með hvítt efni í poka, ég ætlaði að verða eiturlyfjasali þegar ég yrði stór,“ segir hann en þetta voru fyrirmyndir hans á yngri árum. Hann fetaði sama veg og fór að stela, neyta fíkniefna og mikið ofbeldi var allt í kringum hann.

Fyrsta innlögn Baldurs á Vog var einungis til að sleppa við að fara á geðdeild eftir eina af mörgum sjálfsvígstilraun.

„Mér leið eins og algjörum lúser, ég gat ekki einu sinni kálað mér,“ segir hann um eina af sjálfsvígstilraunum sína.

„Ég tók meðvitaða ákvörðun inni á Vogi að fara í sprautuneyslu, ég gerði það og beitti hrottalegu ofbeldi á sama tíma, við vorum bæði hættulegir sjálfum okkur og öðrum,“ segir Baldur en að hans sögn var ofbeldið oft réttlætt þar sem hann beitti einungis fólk ofbeldi sem átti það skilið samkvæmt hans bókum.

Baldur, ásamt félaga sínum, urðu ungum manni að bana í miðbænum. „Ég grét bara, maður hefði kannski gengið svona langt í ofbeldi ef hann hefði gert eitthvað en ekki í einhverjum slagsmálum niðri í bæ,“ segir hann.

Baldur talar um hvernig fólk í virkri neyslu réttlætir fyrir sér neysluna.

„Ég vildi vera í skólanum, þá fékk ég bara 4000 krónur á viku, þá þarf maður auðvitað að redda sér pening. Ég fór þá strax að flytja inn kókaín á Hraunið,“ segir hann en á sínu neyslu tímabili var hann ofbeldisfullur eiturlyfjasali, rak vændishús og sat inni fyrir að verða manni að bana.

Í dag tileinkar hann lífi sínu til að aðstoða aðra við að ná bata með aðstoð Guðs. Líf hans hefur ekki verið dans á rósum eftir að hann varð edrú en hann hefur gengið í gegnum mörg erfið áföll en hann komst í gegnum þau án þess að flýja aftur í neyslu.

Hægt er að hlusta á þáttinn í heild sinni hér fyrir neðan.