Ritstjórar Stundarinnar og parið Ingibjörg Dögg Kjartansdóttir og Jón Trausti Reynisson útskrifuðust um helgina úr háskólanámi. Ingibjörg tjáði sig um útskriftina í færslu sem hún birti á Facebook-síðu sinni en þar kemur meðal annars fram að þau hafi unnið til verðlauna fyrir besta lokaverkefnið.
Lokaverkefnið sem um ræðir var rannsókn á virði óháðra áskriftar miðla fyrir samfélagið, áskrifendur og starfsmenn en það hitti greinilega í mark. Þá fékk Jón Trausti einnig viðurkenningu fyrir næst hæstu meðaleinkuninn.
Nú er stefnan sett á að skrifa og hlaða batteríin en Ingibjörg segir að helst vilji þau gera það á hálendinu. Þá ætla þau einnig að skíða og skauta saman í vetur. „Hugmyndin var alltaf að skauta undir stjörnubjörtum himni, sjáum hvernig það fer,“ segir Ingibjörg í færslunni.
DV óskar bæði Ingibjörgu og Jóni innilega til hamingju með áfangann.