Flug Delta Airlines frá Los Angeles til Atlanta þurfti að lenda í Oklahoma á dögunum vegna óstýriláts farþega sem reyndi meðal annars að opna neyðarútgang flugvélarinnar.
Farþeginn er fyrrum flugþjónn og sat á fyrsta farrými þegar hann hóf að valda usla. Hann á meðal annars að hafa rétt flugfreyju miða þar sem hann sakaði manninn sem sat við hlið sér um að vera hryðjuverkamaður.
Stuttu seinna komst maðurinn í kallkerfi vélarinnar og tilkynnti farþegum að þeir ættu að setjast niður og setja á sig súrefnisgrímur. Í myndbandi frá TMZ má sjá starfsfólk vélarinnar slást við manninn við neyðarútgang vélarinnar sem hann hafði ætlað að opna og kallar einn starfsmannanna eftir hjálp frá farþegum.
Ekki er vitað hvað maðurinn ætlaði sér að gera með því að opna hurðina en í myndböndum sem hafa verið í dreifingu á samfélagsmiðlum má sjá farþega halda honum niðri rétt við hurðina.
Off-duty flight attendant who tried to open plane’s door mid-flight is restrained by crew and passengers pic.twitter.com/Rzr1Nh6HSa
— The Sun (@TheSun) June 14, 2021
Eins og áður kom fram lenti flugvélin í Oklahoma og var maðurinn færður í hendur lögreglunnar þar.