Internetið er framandi og oft á tíðum furðulegur staður. Þegar rætt er um skrýtnari hliðar netsins verður að nefna YouTube-síðu Benjamins Bennetts.
Síðan 2014 hefur Benjamin birt myndbönd af sér sitja og brosa í fjóra klukkustundir í senn. Hann streymir myndböndunum í beinni og hefur birt 317 slík myndbönd undanfarin sjö ár.
Myndbönd hans hafa orðið fræg að endemum, ekki aðeins vegna, satt best að segja, furðulegum forsendum þeirra heldur einnig vegna eftirminnilegra uppákoma sem hafa átt sér stað í beinni.
Meðal annars þegar hann losaði þvag í beinni og hélt í kjölfarið áfram að brosa og sitja á meðan þvagið gufaði upp næstu klukkutímana. Myndbandið hér að ofan byrjar á mínútunni (2:47:00) þegar hann losar þvag.
Nokkrum sinnum hefur hann brotnað niður og grátið í myndböndunum. En athyglisverðasta myndbandið er þegar þjófur braust inn til hans, á meðan hann var að sitja og brosa í beinni, og virðist hafa verið svo skelkaður yfir því sem hann sá að hann hreinlega snerist á hæl og lét sig hverfa.
Það myndband hefur fengið yfir 6,3 milljónnir áhorfa en Benjamin útskýrir atvikið í lýsingu myndbandsins. Þú getur horft á að hér.
Árið 2016 spurði miðillinn Vice hann hvers vegna hann væri að gera þetta. „Ég veit það ekki. Þetta var eitthvað sem virtist vanta á netið. Mér fannst eins og það þyrfti að gera þetta og enginn annar ætlaði að gera það.“