Kona nokkur, sem gengur undir notendanafninu jensen.jackie á TikTok, hugsaði heldur betur út fyrir kassann til að standa mann sinn að verki eftir að henni fór að gruna að hann væri henni ótrúar.
Hún greinir frá þessu á TikTok. Þar sem hún skrifar:
„Hann var alltaf að fara í heimsókn til „vinar síns“ en vildi aldrei senda mér skilaboð á meðan hann var þar.“
Hún ákvað því að að láta reyna á rannsóknarhæfileika sína og fletti kærastanum upp á Snapchat þar sem staðsetningin hans sást á korti.
Ekki lét hún staðar numið þar heldur opnaði Google Maps og bar saman við Snapchat-staðsetninguna til að finna út í hvaða húsi hann var.
Hún fletti svo húsinu upp á fasteignavef og skoðaði myndir af því.
Svo fór hún í gegnum vini hans á netinu og fann þar TikTok reikning annarrar konu sem hafði birt myndbönd úr umræddu húsi.
Og þar með staðfesti hún grun sinn, kærastinn var að halda framhjá.
Netverjar héldu vart vatni yfir rannsóknarhæfileikunum og hvetja konuna til að ganga í lögregluna.
„CIA ættu að bjóða þér vinnu,“ skrifaði einn.
„Vel gert Sherlock Holmes,“ skrifaði annar.
Aðrir töldu að alríkislögregla Bandaríkjanna, FBI, hefði mikið gagn af þessum hæfileikum.
„Ekki leyfa FBI að sjá þetta. Þú fengir of mörg atvinnutilboð“
„Þú verður að sækja um hjá FBI“
Eða jafnvel að hún ætti að hefja sjálfstæðan rekstur.
„Snilld kona, þú ættir að gera þér feril úr þessu. Ég myndi borga fyrir svona þjónustu“
@jensen.jackieand he said I was crazy? #toxic #messy #fyp ♬ Gnarls Barkley Crazy Stephen Kramer Glickman – Gustavo Rocque