Sumardagurinn fyrsti er á morgun og hann verður blautur og vindasamur samkvæmt veðurspám. Klassískt en það þíðir ekki að það sé ekki tilvalið að skrúfa upp í sólinni í hjartanu með því að grilla og hrista litríka kokteila. Við íslendingar erum jú heimsmeistarar í stuttbuxnabraski þrátt fyrir enga sól og sumar er hugarástand hérlendis.
Því finnst okkur tilvalið að skoða falleg sólgleraugu – það er jú hægt að nota þau til dæmis inn í bíl eða á næstu sjálfsmynd – það skítlúkkar þó það sé mígandi rigning.
Salt – Sólgleaugun úr Excit
Verðbréfamiðlararnir og siðferðisbraskararnir í Exit voru allir með Salt gleraugu. Þeir höfðu kannski ekki sál en þeir voru með flott sólgleraugu. Heitustu glerin í dag er skyggð gler sem eru dökk að ofan og lýsast svo niður og gler með spegla“effect“.
Verslun: Sjáðu
Verð: frá 54.900 til 89.000.-
Julbo Sparkz – Fyrir útivistartýpuna
Þessi eru geggjuð því þau henta bæði í útivist og dagsdaglega án þess að fara í „útivistarlúkk.“ Gleraugun eru sérstaklega hönnuð fyrir hlaup, hjól og aðra útivist. Þau er hönnuð fyrir dömur og aðlagast bæði mjóum og breiðum andlitum og sitja vel á andlitinu. Fást bæði bleik og svört.
Verslun: Hlaupár
Verð: 15.700 kr
Lindex – Gallabuxnatýpan
Ljósblá og létt sólgleraugu sem passa við sumarlegan og ljósan klæðnað.
Verslun: Lindex
Verð: 1599 kr
Cocoa Mint – Lekkeratýpan
Hér eru mætt gleraugu sem henta hefðarkonu, partýflippara eða stórstjörnu.
Verslun: eyesland.is
Verð: 19.900
Gucci 0915S 001 – Merkjamaddaman
Klassísk gleraugu sem kitla merkjafólkið.
Verslun: Optical Studio
Verð: 46.900 kr.