fbpx
Þriðjudagur 11.maí 2021
Fókus

Segir íslenska lækna ekki hafa hlustað á sig – „Mér finnst ekki rétt að vera endalaust vísað frá“

Guðrún Ósk Guðjónsdóttir
Fimmtudaginn 15. apríl 2021 20:30

Mynd/Hallur Karlsson

Ekki missa af Helstu tíðindum dagsins í pósthólfið þitt

Lesa nánar

Sigríður Halla Magnúsdóttir opnar sig um alvarlega heilsubresti og baráttu sinni við íslenska heilbrigðiskerfið í forsíðuviðtali Vikunnar sem kom út í dag.

Það tók 26 ár fyrir Sigríði Höllu að fá greiningu. Hún var 38 ára gömul þegar hún var loks greind með endómetríósu. Þrátt fyrir greiningu fékk hún ekki betri þjónustu og endaði með að leita til sérfræðings í Evrópu eftir að hún rakst á enn annan vegg í heilbrigðiskerfinu hér á landi.

Skelfilegir verkir

Frá því að Sigríður Halla byrjaði á blæðingum fékk hún mjög slæma túrverki frá baki og niður fætur. Suma daga komst hún ekki fram úr vegna verkja. Þegar hún varð eldri byrjaði að bera á öðrum kvillum. „Ég var farin að fá mígrenisköst, finna fyrir svima, ógleði, meltingartruflunum. Fæðuóþol hrjáði mig, ég fékk stingandi sársauka í mjaðmirnar, vondan hjartslátt, hárlos, óútskýranlegt þyngdartap og mikið gróðurofnæmi,“ segir hún.

Sigríður Halla gekk á milli lækna sem gáfu henni þau svör að hún væri með lágan sársaukaþröskuld, vefjagigt og gæti jafnvel verið svolítið hysterísk.

Í viðtalinu fer Sigríður Halla yfir sjúkrasögu sína og segir frá því hvernig ástand hennar fór versnandi. Hún var loksins greind með endómetríósu en þrátt fyrir greiningu fékk hún ekki betri þjónustu.

„Ég grét af gleði vegna þess að nú vissi ég að ég var ekki ímyndunarveik en ég grét líka af sorg. Á hvern getur kona treyst ef hún fær ekki stuðning þeirra lækna sem hún leitar til? Mun ég alltaf þjást eða er einhver þarna úti sem sýnir þessu skilning og er tilbúinn til að meðhöndla þennan sjúkdóm?“ Segir Sigríður Halla og bætir við að hún hafi verið komin með læknakvíða.

„Mér finnst ekki rétt að vera endalaust vísað frá eða boðin lyf sem ég veit að munu ekki gera gagn,“ segir Sigríður Halla. Hún hafði samband við einn færasta endó-sérfræðing Evrópu, Dr. Gebriel Mitroi í Rúmeníu. Sigríður Halla fór út í aðgerðina í byrjun árs 2021 og hefði ekki mátt bíða mikið lengur.

Hún segir frá aðgerðinni, bataferlinu og líðan sinni í dag í nýjasta tölublaði Vikunnar.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fókus
Í gær

Faðirinn sem setti líf fjölskyldunnar á netið – Skandallinn og klámstjarnan

Faðirinn sem setti líf fjölskyldunnar á netið – Skandallinn og klámstjarnan
Fókus
Fyrir 2 dögum

Sakamál – Óleysta ráðgátan á bak við Thomas Brown-hvarfið

Sakamál – Óleysta ráðgátan á bak við Thomas Brown-hvarfið
Fókus
Fyrir 3 dögum

Reynir Bergmann harðlega gagnrýndur fyrir ummæli sín um Sölva málið – „Mellur og vændiskonur fokkið ykkur“

Reynir Bergmann harðlega gagnrýndur fyrir ummæli sín um Sölva málið – „Mellur og vændiskonur fokkið ykkur“
Fókus
Fyrir 3 dögum

Enn einn framhjáhaldsskandallinn skekur Kardashian fjölskylduna

Enn einn framhjáhaldsskandallinn skekur Kardashian fjölskylduna
Fókus
Fyrir 4 dögum

Móðir Guðrúnar tapaði baráttunni við fíknsjúkdóminn – „Það kemur enginn heill út úr svona aðstæðum sem barn“

Móðir Guðrúnar tapaði baráttunni við fíknsjúkdóminn – „Það kemur enginn heill út úr svona aðstæðum sem barn“
Fókus
Fyrir 4 dögum

Íslendingum heitt í hamsi í kjölfar frétta um Sölva – „Hryllilegt að lesa frásagnir þessara kvenna“

Íslendingum heitt í hamsi í kjölfar frétta um Sölva – „Hryllilegt að lesa frásagnir þessara kvenna“